Arkeologia Historikoko saila gogotsu ari da lanean azken urteotan Euskal Herriko ondare kulturalaren ezagutzan are gehiago sakontzen eta hedapena bultzatzen, Gipuzkoako lurraldean bereziki. Sail honen jarduera-arloak alderdi anitzetan oinarritzen dira, bai ikuspegi arkeologikotik bai monumental edo dokumental aldetik hartuta. Burutzen ari den lanaren muga kronologikoak erromatarren garaian kokatzen dira, eta ia-ia gaur arterainokoa hartzen dutela esan daiteke.