Proiektuak

Atal honetan Herpetologia Behatokia egun diharduen proiektuetaz arduratzen da. Aurretik egindako lanei buruz jakin nahi baduzu. Argitalpenen atalean agertzen diren Txostenak begira ditzakezu.

- Ikerketa zientifikoak

Rana pyrenaica-ren karakterizazio molekularra
- Pirinioetako endemikoa den Rana pyrenaica anfibio mehatxatuaren karakterizazio molekularra eta bere kontserbaziorako inplikazioak
  Proiektu hau Pirinioetako Lan Komunitateak eta Eusko Jaurlaritzak sustatua da. Espaianiako katalogoan "Zaurgarri" kategorian azaltzen den espezie mehatxatu honen populazioei eragiten dieten zatiketa prozesuei buruzko datu errealak biltzea du helburu, horretarako mikrosateliteen bidez populazioen egitura genetikoa eta hauen arteko fluxua ikertuko da.
Rana dalmatina-ren populazio etea genetika ikerketak
- Rana dalmatina-ren aldakortasun genetikoaren ikerketaren bigarren zatia: espeziea Euskal Herrian mantentzeko gakoak
  Vanessa Sarasolaren doktoretza tesiaren barne, espezie honen aldakortasun genetikoa ikertzen ari da microsateliteen analisiaren bidez. Araba eta Bizkaiako Foru Aldundiek, Eusko Jaurlaritzak eta Nafarroako Gobernuak finantziatutako proiektua.
- Nafarroako baso-igel jauzkariaren populazioen jarraipena
  Ultzamako BGL Hariztian 1999an birsartutako populazioaren jarraipenerako populazio egitura eta demografia datuak biltzen dira.
Motondoko (Orio) Rana temporaria-ren populazioaren jarraipena
- Motondoko baso-igel gorriaren (Rana temporaria) populazioaren jarraipena
  1990tik dirauen Motondoko kostaldeko hezegunean bizi den populazioaren analisi kuantitatiboa.
Kostadeko apo lasterkariaren (Espidalea calamita) populazioaren jarraipena
- Irungo udalerriko apo lasterkariaren populazio nukleoen jarrapiena
  Aurreko urteetako lanek agerian utzi zuten Irungo ugalketa guneak arrisku garbian daudela, batez ere, Arbes, Kostorbealde eta Osinbiribilen urbanizazio obrak direla eta. Proiektu honetan Ion Garin biologia dabil Irungo Udalaren finantziazioaz.
- Gorrondatxeko (Getxo) apo lasterkariaren populazioaren jarraipena
  2006an hasitako ikerketak jarraitzen du Bizkaiko Foru Aldundiak finantziazioari esker, Ion Garin, Manu Océn, Aitor Laza eta Olatz San Sebastián-en partaidetzaz.
- Habitaten karakterizazioa eta apo lasterkariaren kokapen potentzialen inbentarioa Gorrondatxeko inguruan
  Bizkaiako Foru Aldundiak finantziatua.
Pelobates cultripes eta Discoglossus sp.-en populazioen bilaketa eta karakterizazioa
- Apo ezproidunaren (Pelobates cultripes) eta apo pintatuen (Discoglossus sp.) populazioen identifikazioa, distribuzioa eta kontserbazio egoera Araban
  Euskal Autonomia Erkidegoko eta Nafarroako populazioen banaketa eta egoerari buruzko azkeneko azterketak 80 eta 90. hamarkadan egin ziren eta ordutil ez da talde mediterraniar honi buruzko azterketa zehatzik egin. Beraz, ez dago bertako espezieen izaerari, banaketari eta egoerari buruzko informazio gaurkoturik. Hiru helburu hauek aintzakotzat hartuta eta aurreko urtean hasitako lana jarraituz, aurten urtarrila eta iraila bitarte Arabako eremu mediterranearrean laginketak egin dira, ikerketa eremuan aurretik apo pikarta behatutako lekuak eta beste hainbat barneratuz. Aranako Foru Aldundiak diruz lagundutako ikerketa honetan Ariñe Crespo, Soraya González eta Ainhoa Iraolak parte hartzen dute.
Podarcis pityusensis inbaditzailaren populazioen jarraipena eta erauzketa
- Urgulleko populazio autoktonoarengan sartutako sugandilek duten eragina. Hauen erauzketaren aurretiazko kanpainia
  2005ean, Ibizako sugandila (Podarcis pityusensis) Urgullen bazela atzeman zen. Espezie inbaditzaile honek gaitasun handia du bertan betidanik bizi izan den sugandila iberiarrari (Podarcis hispanica) lekua kentzeko. Horregatik Donostiako Udalaren finantziazioari esker aipatutako populazioen jarraipena egiten ari da, kanpoko sugandila erauzteko programa bata bian jartzeko asmoz.
- Podarcis pityusensis sugandila inbaditzailearen erauzketa Gaztelugatxeko Donieneko biotopo babestuan (Bermeo), I. go fasea
  Podarcis pityusensis Urgulleko baino urte batzuk lehenago agertu zen Gaztelugatxeko Doniene biotopo babestuan (Bizkaia), non baitirudi irlatxoko jatorrizko populazioa (horma-sugandila, Podarcis muralis) ordezkatzen hasia dela. Erauzketa proiektu hau Bizkaiko Foru Aldundiak finantziatua da.
Mendizorrotzeko (Gipuzkoa) anfibio komunitateen inguruko ikerketak
- Hegoaldeko zuhaitz-igelaren eta Mendizorrotzeko beste anfibioen populazioen arteko konektibitatearen ikerketa
  2007an, Gipuzkoako Foru Aldundiak eskatuta, EAEko katalogoan desagertzeko arriskuan bezala agertzen den hegoaldeko zuhaitz-igelak (Hyla meridionalis). Mendizorrotzeko erabiltzen duen habitata karakterizatzeko proiektu bat martxan jarri zen. Ikerketak GIS-ak (Geografia Informazio Sistemak) erabiliz, populaziok komunikatzeko korridore teorikoen eredy bat egitea du helburu. Proiektu honen beste ekarpen bat markaketa sistema berri baten saiakera da, aukeratutako putzu batean itxitura perimetral bat ezarriz. Lan taldea Iñaki Sanz, Soraya González, Ariñe Crespo, Ibon Tamayo eta Juan Martínez-Jorquerak osatzen dute.
- Hyla meridionalis-en populazioaren jarraipena
  1998ko Espezieraren Egoeraren Analisiaz geroztik urtero populazioaren eta Gipuzkoako Foru Aldundiak baimendutako Kudeaketa Planaren barnean egindako ekintzen jarraipena egiten da urtero.
Bertako apoarmatuen detekzioa eta kanpokoen erauzketa Nafarroan
- Apoarmatu europearraren (Emys orbicularis) detekzioa Peñadil, Montecillo eta Monterrey-en
  Aurreko urteetan bezala, Aitor Valdeonek Nafarroako apoarmatuen biologia eta distribuzioan lan egiten jarraitzen du, oraingoan Gestión Ambiental, Viveros y Repoblaciones de Navarra, S.A.-ren enkargupean Peñadil, Montecillo eta Monterrey-en.
- Apoarmatu exotikoen erauzketa Arga ibaiatik Iruñean
  Iruñeko Udalaren diru laguntzari esker.
Itsas dortokei buruzko ikerketak Kantauri Itsasoan eta Karibean
- “Itsas dortoka” ekimena
  Lan-talde berria sortu da Aranzadin. Lehen urratzak ematen hasiak ginen jada 2006an larruzko dortoka, Dermochelys coriacea Hondarribiako portuan agertzearekin batera. Dortoka hura hain zuzen ere Aranzadi Zientzi Elkartean dugu analisi genetiko bitartez bere jatorria zehazteko. Baina 2007ko Abuztuaz geroztik eta datozen 3 urteetan gure kostaldean dauden itsas dortoken jarraipena egiteari ekin diogu. Horretarako hitzarnen bat sinatu da EIBE (Euskal Izurde eta Balezaleen Elkartea) eta Aranzadiko Herpetologia behatokiaren artean. "Itsas irteeren" bitartez dugun aberastasun horren jarraipena egin nahi dugu, ikerketa sakonago bat bultzatuz. Informazioa zabaldu.
- Colombia eta Panaram larruzko dortokaren (Dermochelys coriacea) habi egiteari buruzko doktoretza tesia
  Juan Patiñok egiten du Doñanako Estazio Biologikoan Adolfo Marcoren zuzendaritzapean, Fundación BBVA-ren dirukaguntzat. Colombiako iparmendebaldean eta Panamako hegoalden habia egiten duten dortoka eta garapen enbrionarioan eragina duten faktoreak ditu aztergai.

- Txosten tekniko puntualak

Usurbilgo Sariaren mendebal ibarraren balore naturalak. Anfibio eta narrastiak
Donostiako inguru naturalaren bioaniztasunaren aurretiazko ikerketa. Anfibio eta narrastiak
Artzabal-Casacampo-ko (Deba) hezeguneetako anfibioen populazioen ikerketa
Katalogoetako anfibio eta narrastien analisia Garalde eta Sollubeko zabortegian, Bermeon
Arangurengo haraneko anfibio eta narrastien egungo distribuzio eta egoera
Anfibio eta narrastiak Iruñeko udalerrian. Igo fasea
Tuterako udalerriko estepa guneetako anfibio eta narrastien inguruko ikerketa

Albisteak

Piriniotako harribitxia aurkeztuko da

SARE martxan da Euskal Herrian

Ekainak 19: Euskal Herriko anfibioak identifikatzeko ikastaroa

Hezeguneen nazioarteko eguna

E.A.E.ko anfibio eta narrastien identifizioarako ikastaro teknikoa eta bolondresak partaidetza SARE programan

>>> Aurrekoak

Ekintzak

II. Nazioarteko Jardunaldiak Anfibioen Kontserbaziorako

XI Congreso Luso-Español de Herpetología / XV Congreso Español de Herpetología

7th International Symposium on the lacertids of the mediterranean basin

2010 IENE International Conference on Ecology and Transportation: Improving Connections in a Changing Environment

Aholku garrantzitsua

Webgune honetako errekurtsoren bat, testu zein irudi, erabili nahi izanez gero ez ahaztu Herpetologia Behatokia aipatzea, bestela gurekin kontaktuan jarri zaitez. Mila esker!.