Anfibio eta narrastiei buruzko erakusketa ikusteko azken bi aukerak

Gipuzkoako hainbat Kultur etxe bisitatu ostean, "Anfibioak eta narrastiak: aniztasuna eta kolorea" izeneko argazki-erakusketa Hernaniko Biteri Kultur etxean egongo da erakusgai. Hernanikoa, arrakasta handia izaten ari den Ramón Arambarri argazkilari profesionala eta naturzalearen erakusketa ikusteko azkenetariko aukera izango da. Bertan, argazkien kolorea eta kalitate handia eta Aranzadiko Herpetologia-behatokiak eginiko fitxa deskriptiboak konbinatzen dira.

Erakusketa Kutxako Gizarte Ekintzaren laguntzaz ari da mugitzen eta ikusleen aldetik erantzun oso ona ari da jasotzen. Duela gutzi arte Errenterian egon da eta apenas bi astetan mila heldu eta berrehun bat umek ikusi dute.

Hernanin egon ostean, erakusketa Arrasatera eramango da eta bertan emango zaio bukaera urteari.

HERNANI

• Egunak: 2008ko azaroaren 19tik abenduaren 3ra.
• Lekua: Biteri Kultur Etxea, Nafar kalea, 18.
• Ordutegia: 18:00 - 20:00.

ARRASATE

• Egunak: 2008ko abenduaren 12tik 2009ko urtarrilaren 2ra.
• Lekua: Aita Menni ospitaleko harrera gela.
• Ordutegia: 8:00 - 22:00.